Wiki Tuatoru o ngā Hui Ataata!

 Tēnā koutou katoa,

Ko tēnei te wiki tuatoru o ngā wiki kua noho a Aotearoa ki te kāinga!

I tēnei rā, kei te hui mātou ko Whakaute i runga i te hui ataata.

I tēnei rā hoki, i tito pao mātou mō te ruru, ko tētahi o ngā manu amorangi o te kura nei. Ka whakaatu au i te ata Kūkara i whakamahia e au mō te tito pao.

He pēhea ēnei mahi mōu?

I tino pārekareka te tito i te pao, engari i tino hōhā te kapo.

He aha tētahi mahi uaua mōu i roto i te mahi nei?

Kāre e kore ko te kapo. I tino pōturi tōku pukahiko, ā, he tino hōhā te kapo i te mea i ētahi wā ka tino hoihoi, i ētahi wā ka tino wahangū!!

Te Kanikani o Footsteps

 Tēnā koutou katoa, 

Inanahi rā i haramai tētahi wahine o te kamupene Footsteps ki te whakaako i a mātou i tētahi kanikani.

E pewhea ōu kare-ā-roto mō te kanikani tuatahi o te wāhanga nei?

He āhua uaua ki te kanikani i roto i te poraka, engari i pārekareka tonu.

He pai ki a koe te mahi Footsteps?

Āe, he pai ngā kanikani me te kaiako o te Footsteps.

E pīrangi ana koe ki te mahi tonu i te Footsteps?

He hīkaka ahau ki te kanikani tonu.

Source: Footsteps Dance Company